2010年11月5日星期五

第四天.團子製作體驗

1030時,團子製作體驗開始!預定時間一小時,這亦是預訂住宿時一併預訂埋這項目的原因,因為另兩個製作體驗是麵包和香腸製作,由開始至完成要幾小時,所以選了時間最短的和參加費最平的(每位1000yen)。點知一進教室係枱無虛席,原來有學校到來進行活動,有的做麵包、有的做香腸,而我們做團子的多是家庭客,佔了大約三枱。

一開始先圍在第一張枱聽老師講解米如何種出來,特別是介紹他們農場自家種的稻米,然後仲有給了小朋友的問題環節,然後才到示範。老師示範過後,到各自去自己那枱動手了!咦~點解其他家庭有哂圍裙o既?我地大鄉里而來,毫無準備啊!好在,臨急也能在體驗教室租來4條圍裙(每條100yen)。穿起圍裙,洗乾淨雙手,黎真啦喂!
整整下,點解唔見左Gabby呢?剩返Phyllis姨姨一個人搓粉做團子,期間老師也會穿插各枱指指點點。4人份量的白玉粉和米粉,做出了很多粒團子出來,放入煲煮呀煮,不多久撈出來過冷河,便可用竹籤拮出一串串的團子來!而汁則是醬油、糖、味醂和水煮成的。
整好了還要自行負責清潔工具和煲的,做人要有手尾啊!至於閃開了的Gabby呢,原來不喜搓粉,縮到她的太空艙去! :p 而溍溍做完一輪功夫後,都要坐低休息飲啖水食塊餅先得!
真係唔好意思喇,由於製作超時,攪到一小時的預定時間變成一小時半,隔鄰本來人山人海的學生們都漸漸散去,不過咁多盒團子點算好呢,爸爸決定送一些給帶隊的學校老師,幾經尷尬(可能做得賣相差或者一睇就知你班人整得唔好食啦),客氣了一番才能送出幾盒團子出去,但剩下的也不少呢!

2 則留言: