第三天．農場之夜

5點幾，天色已開始變成深藍，兩個小朋友已經玩到訓哂地(因為個木地板好滑好好玩)，而大人呢，諗到呢度係農場，梗係早d食晚飯為妙！

沿路變成下坡路，當然舒服很多，但太陽伯伯收工了，氣溫也下降了！途中有很多風力發電的裝置，剛才在房間裡看電視的頻道，有一個就是顯示了你所住的房間和當時有人入住的房間的電力消耗量，有排名的啊！

行啊~行啊~又再一次來到初來到泊車那邊的地方，匆匆選了農村料理の店もくもく，唔好諗，入去吧！入面已經有唔少客人，我們被安排坐在一張有長餐卓的榻榻米座。由於人客多，幫忙的肥仔哥哥很繁忙，仲唔小心打瀉了杯茶落我地d坐墊上添，不過小朋友無事就緊要啦！

我們點了特選ロースとんかつ船農膳和原木しいたけ天ぶら農膳各兩客，還有豆腐和炸野菜(這餐承惠8250yen)。食物都是標榜農場自家的，的確很新鮮，但味道都ok的。不過，果兩個小朋友呢，因為坐榻榻米沒椅子擋著，食到咁上下，就作反了！有人食到趴左係度，有人走來走去......

不過，小朋友得人歡心，鄰卓的一班年青男女呢，就同佢地玩到不止合照咁簡單，仲抱住黎玩添，難為有人又唔驚喎！

飯後閒逛，不遠處就是資料搜集已知的溫泉設施野天もくもくの湯，Simon叔叔和Phyllis姨姨有考慮過去幫襯下架(住宿的話有優惠嘛！)，不過又要取車仲有睇住Gabby嘛！點知......原來在門口就有個足湯，過下癮又無妨啊，仲要係免費添！剛才那班哥哥姐姐都係度浸緊喎！

玩樂完畢，係時間做返d正經野喇，就係上返停車場取車，將車開返去住宿處的路口，那裡有專供住宿人士的泊位。時間只不過是7點幾，3個鐘前還是熱鬧非常泊位無虛席的停車場只剩下幾架車。將車泊好去專用地方後，又是爬年齡坂的時間了，回到小屋已經8點。剛才出來吃飯前打電話order的幾瓶牧場鮮奶(每瓶200yen)也送來了。不過由早上離開酒店到現在已經快12個鐘了，去過咁多地方，還是先來"劏豬仔"先。

這裡也能夠上網，但就連不到MSN啊！兩隻豬仔洗哂白白後，仍然毫無睡意，還在玩玩玩。但爸爸就已經很累很眼訓，本來打算今晚外出看星星的，也敵不過眼綑，11點便睡了！(由於地方空曠，當時室外氣溫應已低於10度，晚上的天空也多雲，電視的天氣報告也只說凌晨12時後會較清朗，因此加速了睡意的發作)。